జీ తెలుగులో ప్రసారమవుతున్న సీరియల్ 'జయం'(Jayam). ఈ సీరియల్ సోమవారం నాటి ఎపిసోడ్ -83 లో... నర్స్ నన్ను అవమానించిందన్న కోపంలో పారు ఉంటుంది. దాంతో వాళ్ళ అన్నయ్య నిన్ను అవమానించిన ఆ నర్సు ఈ కలర్ డ్రెస్ లో వచ్చిందో కనుక్కొని ఈ కలర్ డ్రెస్ పలాన హాస్పిటల్ డ్రెస్ కోడ్ అని అతను చెప్తాడు. దాంతో ఇద్దరు వెళ్లి ఆ నర్స్ పని చెప్పాలనుకుంటారు. గంగ హాస్పిటల్ కి వాటర్ క్యాన్ వేయడానికి వెళ్తుంది.

తన వెనకాలే మక్కం ఇంకా సెక్యూరిటీ తనని ఫాలో అవ్వమని రుద్ర చెప్పడంతో వాళ్ళు ఫాలో అవుతారు. అదే హాస్పిటల్ కి వీరు తన తమ్ముడు స్పృహలోకి వచ్చాడని వస్తాడు. అదే హాస్పిటల్ కి పారు ఇంకా వాళ్ళ అన్నయ్య బయల్దేరతారు. గంగ వాటర్ క్యాన్ మోస్తుంటే అక్కడికి రుద్ర పేషెంట్స్ ఎంక్వైరీ కోసం వస్తాడు. తనని చూసి గంగ దాక్కుంటుంది. త్వరగా క్యాన్ వెయ్యాలని అక్కడున్న నర్స్ డ్రెస్ వేసుకుంటుంది. మరొకవైపు తమ్ముడు నువ్వు త్వరగా కోమా నుండి లే అని అంటాడు. పక్కనే తన మనిషి ఉండి.. ఒకరకంగా చెప్పాలంటే మీ తమ్ముడికి ఈ సిచువేషన్ లోకి రావడానికి కారణం మీరే అనే విషయం మీ తమ్ముడికి తెలిసి మీకు అప్పోజిట్ అయితే పరిస్థితి ఏంటని అడుగుతాడు. వాడిని కూడా చంపేస్తానని వీరు అంటాడు. ఆ మాట తన తమ్ముడు వింటాడు. మరొకవైపు రుద్రకి కన్పించకుండా గంగ నర్స్ డ్రెస్ వేసుకొని క్యాన్లు మోస్తుంది.

గంగ క్యాన్లు మోస్తుంటే ఒకవైపు రుద్ర.. మరొకవైపు పారు ఉంటారు. దాంతో ఇద్దరికి కనిపించకుండా దాక్కుంటుంది. అప్పుడే డాక్టర్ నర్స్ అనుకొని గంగని పిలిచి పేషెంట్ కి ఇంజక్షన్ వెయ్యాలని వీరు వాళ్ల తమ్ముడున్న రూమ్ కి తీసుకొని వెళ్తాడు. అక్కడ వీరుని చూసి గంగ షాక్ అవుతుంది. వీరు తో ఉన్న ఇద్దరిని చూసి వీళ్ళు రుద్ర సర్ కి కోర్ట్ లో అప్పోజిట్ గా సాక్ష్యం చెప్పిన వాళ్ళు కదా‌‌.. వీళ్ళతో వీరు సర్ ఉన్నాడటని గంగ అనుకుంటుంది. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.